大牧羊仔仔出走日記: 03/01/2014

2014年3月25日星期二

two wing man馬交追星遊

日期：22/03/2014-23/03/2014

行程：香港>澳門
交通：金光飛航 / 公車

是次行程目的地係香港人去慣去熟既澳門。咁澳門又有乜好寫啊？哇～追星wor！梗係要寫啦，人生有幾多個青春可以比你做呢D kai野先？話說當日飲恨敗在香港城市售票網既黑箱作業之下，買唔到林俊傑香港演唱會（其實都基於我比較慳家，死都要買＄280）所以今次我以不斷狂reload攻勢，係開售第N分鐘後成功進入預定畫面，yeah！本身只係想買門票，之後再睇到連埋來回船飛都只不過＄368......好啦！唔過埋夜對唔住自己！

咁又點解文章title叫“two wing man 馬交追星遊”呢？因為……我不得不公開……我......係....紐西蘭......搵......到.....失散多年既同名孖生阿妹啊！

所以呢，住宿方面梗係交比細既去做啦！我地book左holiday hotel 兩人房，大約$600幾蚊晚，最平啦！好老實講.....都幾殘舊下.....呢個價係大陸可以住到唔錯既房。不過無得咁計，而家澳門已經係一個賭業旺盛既旅遊區，超級多祖國人帶動經濟，區區呢六百銀，係我呢D窮人又要玩又唔願比錢先“UN UN聲”，四十蚊碗雙皮奶都夠膽死有人食，問你驚未？！

晨咁早去上環一心諗住搵好野食完過大海。先去勝香園諗住食過蕃茄牛麵，脆脆豬包，咸檬7，勢估唔到已有十個以上既人排緊隊。所以我都老實不客氣講話”去食deadend lor"…...其實自私既我一直都比較想食西式早餐XD

但係又無奶由成日要wingwing妹妹就我嘛～哈哈哈！由勝香園行上去cafe deadend只要好幾分鐘，但係比路痴既我帶左行成個鐘都未到.....結果，我地都係返轉頭買蕃茄麵去港澳碼頭蹲係樓梯食，好有同胞feel～正！基本上我完全無視人來人往既物體，但係wingwing妹妹呢？應該.....有人想賜我一死......“如果排隊，應該坐底食完啦”.......=v="
而呢碗蕃茄牛麵其實我覺得一般般，罐頭蕃茄加罐頭蕃茄汁，每次食到咁上下都有罐頭蕃茄既酸味出黎，咁點解要大老遠去食？食大排檔風味者。

上船吹水1個鐘左右啦～到氹仔碼頭啦！坐免費shuttle去威尼斯人拎好今晚張飛先！換門票既哥哥問我地換唔換埋回程船飛，本想聽日先換，但原來聽晚6點至8點船飛早已full曬。咁好啦......換埋張聽日下午5點既飛。正經野搞掂！

開始飲飲食食唄～～～澳門第一餐，安德魯葡tart。葡tart這回事......非我鐘情之物.....又非我討厭之物......所以完全對佢無執著。皮係好酥脆、鬆化。要做到好食既酥皮唔係咁易，牛油一定唔可以手軟。唔計個餅皮，我覺得KFC個蛋D味岩我口味D.......無計，食慣街坊野。

真係好食既野，我一直都信要“娟聾娟哪”先搵到。又唔識路，咁點算好？打的囉～坐左$30蚊，去到布拉格街既KAFKA食蛋糕飲杯green tea latte。四款蛋糕裏，我最愛蕉糖伯爵茶，完美配合，唔太甜。第二愛就係脆皮朱古力既核心部分......熱情果mousse。嗯～掛住食，無影得好靚，又唔記得幫每一件蛋糕影橫切面，又唔記得影蛋糕櫃，okok～今次品嘗，唯有留返下次影>.<

無無聊聊係華麗版咀香園寫postcard寄比邊個呢？

時間已經黎到6點，有人飽到要嘔，但點都要食D熱食暖暖胃嫁嘛！又係我強硬決定，食葡國菜唄！係官也街轉來轉去。

結果我地走左入葡韻食焗鴨飯，炸馬介休。老闆招呼好細心，飯都好好食。不過我地睇到門口寫住$86蚊既鴨飯已升級$140。價錢，我到叫果刻都係skip左無留意......嘻嘻嘻=v="

壓軸好戲JJ LIN出場啦！唱到第二首歌突然無左聲….個咪壞左好幾分鐘，如果係香港發生會唔會比人叫回水呢？就算有少少意外都無影響演出，原來當日係JJ生日，我地仲要玩舉板仔。JJ彈住琴唱情歌殺死全場女粉絲，係一片尖叫聲中完結。快樂時光過得特別快，又係時候講byebye......

因為酒店窗口對住幅牆，仲以為天陰陰。出到黎先見到藍天白雲。

第二朝起身，又食過啦！先食兩隻笨那那以防唔夠飽加補充能量行過去倫記第一鴨粥。yummy！布拉蔥花蛋腸粉＋黄沙蜆粥。未食過咁滑咁薄既腸粉啊！

一街之隔，本想食雞湯米，阿姐話“家陣邊有雞食啊？清明前後先啦！”

就係咁叫左三樣可食可唔食既野啦！查實米粉我麻麻地，不過佢個花枝撈米都OK，因為無好乾，好似炆米咁有少少汁包住D米粉，少少甜辣。個炸蝦球真係多謝曬.......

飽到上心口時，wingwing妹妹話好熱氣，要飲涼茶，佢自己啪左一枝好足料菊花茶。除左大聲公，都有好多車仔小販賣涼茶。下次去試下先！

出門有三寶，朋友，地圖，元寶（錢）…….多謝阿妹帶路～yeah!

大三巴，人唔算多啦！

兜兜轉轉行左去邊呢？食豆腐花……記憶中好似黎過？！最後一擊李康記豆花，滑滑豆花堂食$7，外帶$7.5，大豆漿$25

兩碗豆花真係無乜好影，所以偷拍下港版豆花妹影豆花。

阿媽交帶落要買手信，旯記好多人，鉅記比錢好混亂，咀香園D脆牛肉乾原來咁貴嫁？間間價錢都差唔多，文記未食過，即管試下啦！呢盒咖喱肉鬆蛋卷都OK，好薄好薄既皮，大力少少都爛，師父利害！少少碎左都無，整整齊齊。話說就係老闆同老板娘都好緊張D貨，金睛火眼睇到實。

2014年3月21日星期五

練習

最近自己是在做什麼呢？我也不太清楚。要加緊練習什麼我也不知道，只覺得無事忙，或是太不會控制時間了，有日過日的感覺。前幾天看到有文章說要成為插畫師的首要練習，包括一天畫20個人體動態，2張角色設計稿，一個月完成2張精緻的全彩完稿插畫。似乎我離這個職業很遠！我應該要重新學好3D，還是把2D畫好？在工作的空餘時間，差不多花了整整一個月才上好灰稿。原來是想練習直接上彩色，最後還是覺得太差了，改為灰色修改到這個樣子。

2014年3月17日星期一

Day13 ﹣ 換宿驚魂記＠露體狂人

換宿驚魂記到第二天，住在古典優雅的英國移民婆婆、公公家。我住在一間私人房，睡在我很希望擁有的木製古董床。每天我都要工作四小時來換取三餐和住宿。其實，一切感覺都很美好，是渴望的生活。但美好背後的驚魂事件慢慢浮現。工作過後，我圍繞着大屋走一圈時，看到老公公沒穿衣服在他房間展示如上圖姿勢……沖涼沖到在窗前變king kong?當時路過的我嚇了一跳，即刻面容扭曲，馬上轉身，走人當無事。究竟…..是我不夠open mind，是有心還是無意呢？

2014年3月15日星期六

我在紐西蘭如何找換宿：P

BBH
http://www.bbh.co.nz/travellers/billboards.asp?b=1
有着全紐西蘭的有牌民宿資訊網，就連那間民宿的工作空缺都有，而且資訊是免費！

helpx
http://www.helpx.net
可以申請成為免費會員或成為premier membership。有什麼分別呢？嘿嘿.....利害囉！
免費會員不可直接聯絡host（換宿主人），只可以透過不斷更新自己現況和資訊，等host聯絡你。premier membership就可以得到host資料直接聯絡。當然要比錢啦！EUR$20供2年使用，全球的helpx host資料都可以在網上查閱。我就申請了helpx，而且是premier membership…...用後感是，我覺得可以不用成為premier membership，只怪我太心急，成為會員後一直希望快點找到host，但發現我可以直接聯絡host後，他們也不一定需要人。卻因為我時不時更新，也有2﹣3個host聯絡我問要不要去exchange啦！

wwoof
http://www.wwoof.co.nz
申請成為會員，可以利用網絡尋找換宿家庭或農場，NZD$40供14個月使用。2012年我查看它的資訊時，每次申請只能選擇一個國家。現在有沒有改變呢？我暫時找不到資料。另外要手握實物先放心，可以加多NZD$10要本小冊子。

2014年3月14日星期五

最愛是……食!

畫食物首要原則，不能讓自己吃太飽～哈哈哈！要有飢餓感，渴望食的追求，畫得才夠過引，很變態是嗎？最近在看別人作品時，我在想......人家畫人好美，畫動物很美......那我的拿手好戲是什麼？？沒有？？酒肉朋友的一句說話“你畫的沒風格，什麼都有些“
過了整整一個月我還很在意！畫食物會令我感到開心，這樣足夠嗎？開心與財富都是反方向而行，怎選擇？

2014年3月10日星期一

大牧羊仔仔開舖了！？

某年某月某日在某個網站上看到一個簡單而不起眼的banner廣告，純粹一時手快按錯了，入到去卻見到一大批artist的作品放在這裡等待它的主人出現。嗯！就係society6啦！當下覺得好得意既網站，bookmark備用！直到今日真係超級無聊地求期拎一個作品放入product睇下效果。咁簡單，就開左間舖啦！當然，D野唔係靚，其實要執一執，不過都算係新嚐試。之後，如果再有作品放上去先再設計好D吧！究竟會唔會有人睇得上我既野落order呢？真係好期待～

我間舖啊：http://society6.com/jijidiary

2014年3月6日星期四

心靈雞湯＠帝苑餅店 Fine Foods

今天沒工作情緒，兩個壞孩子好大的膽子居然曠半天的工 (家庭觀眾不要學啊!!)，相約先去尖東茶樓吃午餐，再去PageOne逛書店。
在尖東帝國中心的好彩酒家吃了個點心普通普通，可是蜜餞雞翼不錯的中午茶。就走去旁邊的帝苑酒店吃個蛋糕吧，Wing未去紐西蘭以前是在尖東上班的，所以這家餅店已經吃過好幾次了，而大牧羊仔仔則忘了自己有沒有別過，所以即使吃飽了還是挑一件自己喜歡的吧，因為今天的心情是灰灰的.......整個人其實都不在狀態......嗯~是怎麼了呢?
Wing有點迷途，是在上演迷途孤燕嗎? 心中太多的想法，那個才是真正想要的? 絕大多數人都知道自己不想要甚麼，卻不知道自己真正想要的。回來香港之後一直處於這個狀態...嗯
好，事情總不能想太多，說回去蛋糕吧。

大牧羊點了Blueberry Cheese Cake而Wing 點了Chocolate Truffle Cake，Wing真的要點巧克力來抗抗抑鬱...而大牧羊是因為喜歡Cheese Cake而點Cheese Cake，但Truffle Cake看來比Cheese Cake出色，因為大牧羊試了一口Wing，就說比較喜歡Chocolate Truffle Cake......哈哈...